Gratuidade dos gastos do servizo de visado e rexistro dos traballos relacionados cos inmobles afectados polos incendios de xullo de 2022

23 Set 2022

Tal e como se anuncia na Circular 20 2022, a Xunta de Goberno en sesión 9/2022 de 8 de setembro, acordou establecer que o COAG asumirá os gastos de visado ou rexistro dos traballos relacionados coa rehabilitación/obra nova dos inmobles afectados polos incendios ocorridos en Galicia durante xullo de 2022.

As condicións para o acceso a este trámite excepcional son:

  • Poderán solicitalo tódolos arquitectos colexiados no COAG, así como as sociedades profesionais inscritas no rexistro do COAG, que tramiten traballos profesionais no COAG, quedando excluídos:
    • Os que se encontren en situación de suspensión na súa colexiación.
    • Os que non se atopen en plenitude dos seus dereitos como colexiados.
  • Acreditar que os traballos profesionais cumpren os seguintes requisitos:
    • Acreditar que o promotor é o titular actual do inmoble afectado, con anterioridade aos incendios.
    • Aportar xustificante de ter presentado e de que está en trámite a solicitude dalgunha das aXudas establecidas no DOG 29.07.2022.

En relación co devandito acordo, os colexiados que desexen solicitar acollerse ao mesmo, deberán indicalo previamente a presentar a documentación a visado ou rexistro, mediante unha consulta na plataforma de consultas colexial co asunto “INMOBLE AFECTADO POLOS INCENDIOS DE XULLO DE 2022na modalidade de VISADO.

Compartir

This site is registered on wpml.org as a development site. Switch to a production site key to remove this banner.